人一生真係好短暫...所以生命咁短就要活得開心同有意義...

雖然個天唔太公平, 有人窮...有人富貴, 有人生活富裕社會...有人生活平凡村落...

但我覺得開心係人人都應該有!!

不過, 開心唔係其他人畀自己, 而係自己畀自己...

概括去講, 若然畀唔到開心自己o既人, 就可以叫可憐人~

以個人字典裡面, 可憐人會係...

1. 每事比較
　　開心o既人係唔會去比較, 開心先最緊要
2. 埋怨別人
　　以自己為中心, 當別人做自己唔滿意o既事時就會埋怨, 因為畀唔到開心自己
3. 冇自信
　　同比較差唔多, 因為冇自信o既人先會同人比較, 自信係自己畀自己
4. 為無聊事而唔開心
　　別人從來唔察覺...唔care o既事, 但自己就放在心, 自己一個嬲同唔開心, 有咩謂?
5. 唔信任身邊o既人
　　家人...心愛o既人...朋友都唔相信, 又點會開心...

若果你係一個可憐人, 一定會為自己辨護, 甚至嬲嬲地, 覺得我亂講, 又或者有暗示成分...

但冇以上徵狀o既人, 就好似我咁, 就絕對係一個開心o既人喇~

開心o既人為自己而活, 為身邊o既人開心而開心, 唔會為無聊事而執著...

更加唔會為我呢篇BLOG 而介懷, 因為自信心係自己畀, 開心就係咁簡單!